اخر اخباري

السلام عليكم ورحمة الله وبركاته

أبارك لكم فوز الهلال بالأمس و حظ أوفر للنصر هههههه

بعدين احب أقول لكم اني نجحت وابارك للي نجحوا

خبر ثاني

انتقلت مع الكابتن الشيهان محمد سعد القحطاني

وبس

المدرب الجديد

السلام عليكم

المدرب الجديد علمنا مدت ثلاث تمارين وكان قاسي جداً وجاد

وتعلمت منهُ ،السرعةُ ، الصبر ،والجديةُ

الحزام الأخضر

بسم الله الرحمن الرحيم  ،،،السلام عليكم ورحمة الله وبركاته

 يوم الأثنين اللي راح أخذت الحزام الأخضر بعد ما حفظت الكاته ( صن دان ) 

 والحمدلله كانت سهله 

 

اخباري

بسم الله الرحمن الرحيم ،،،، السلام عليكم

مواضيعي كثيرة علشان كذا بكتبها هنا ورا بعض

1- في بداية الترم الثاني ولد خالتي نواف انتقل من مدرستي وذهب مدرسة ثانية، وكان وداعه صعب على كل المدرسة وبالاخص أنا ونواف الناجم و الشويعي ونواف المهيني وفهد السعيد

———————–

2- تقام بطوله لنا في جيان ان شاءالله في نهاية شهر 4 ، واشتركت فيها ادعو لي بالتوفيق واربح فيها

————————-

3- انا في المدرسة مشاغب والمدرس خاصمني قبل يومين وطلب ولي امري لاني بس العب في شنطتي ولا اتبع

وانذرني بالفصل لاني ضربت سوري ففي فصلي

————————–

وشكراً

الحزام البرتقالي

نسيت اقولكم اني اخذت الحزام البرتقالي قبل شهر تقريبا بعد البطوله اللي حصلت

صحيح اني خسرت لكن اخذت المركز السادس

وامس اخذت الاول على فريقي وولد خالتي نواف اخذ المركز الثاني

وفيصل الثالث ومحمد الزوبع الرابع

المدرب الايام هذي ضاغط علينا خاصه على تمارين الرجول وتمارين اليدين و الدفاع

بطولة اليوم

بسم الله الرحمن الرحيم

السلام عليكم

اليوم كان فيه بطوله في النادي ، بعد العصر ورحت انا وولد خالتي نواف

طبعا من ضمن المتفرجين وجبت لكم كم صوره من النادي والبطولة

وهذي اول صوره لمدربي عبدالله ، وانا اعتبره شديد علينا وجاد وحبوب وقت الضحك  

وهذي صورة لمدرب بس نسيت اسمه

 

وهذي صوره من عرض القتال

وهذي صورة لصديقي أحمد بعد ما اخذ المداليه

وهذا عبدالله صديقي

وهذي الصاله الرياضيه اللي اشيل فيها الاثقال طبعا ادخلي بدون ما يقولي المدرب ههههههه

 وهذا سواق الباص

وهذا نواف

وهذا طبعا انا

 والجمعه الجايه فيه بطوله وراح اشارك فيها باذن الله ونواف بعد 

وادعولي بالتوفيق

 

 

نادي الكارتيه

السلام عليكم

اتدرب في نادي المركز السعودي للكارتيه

اسم مدربي عبدالله ومعه الحزام الاسود خمسه دان

انا معي الاحزام الاصفر

كانت تجربتي رائعه معهم وفي نفس الوقت متعبه لان التمارين ما تعودت عليها

ولي ثلاث شهور وانا اتدرب وان شاءالله استمر معهم

وتعرفت على اصداقاء اسمهم عبدالعزيز ومحمد الزوبع و محمد المحبوب و عمر القاسم واخوه عبدالله وانا مبسوط اني عرفتهم

سواق الباص اللي يوديني اسمه عبدالله